कब होलू बिकास

http://garhwalbati.blogspot.com/

होलू बिकास होलू बिकास कब होलू ये राज्यक बिकास
नाम थैं लेकि राजनिती हुणी छी, कभी उत्तरांचल त कभी उत्तराखंड ब्वाना छीण।

मंत्री दीदा थैं निन्द पौणी च और लोग यख परेसान  हुयां छीण

कमल अर हातै की राजनिती सवाल च बिकासक नाम पर यख सब बर्बाद च। 

होलू बिकास, होलू बिकास कब होलू ये राज्यक बिकास.................

लाल बत्ती थैं लेकि धुमणा छीन अपड़ पद फर मौज करणा छीन।
राज्यक बिकास की बात न कारा, यख सभी मंत्री जेन्टलमैन हुयां छीन

कबि नारायाण त् कबि खंडूरी अब अयीं द्यखा पौखरीयाल की बारी
बिकास की तुम बात ना कारा देहरादून म् जैकि डेरा डाला।

वखी सरकार च वखी यू राज च, राज्यक असली बिकास वखी च
पहाडो़ की करला अब देब्यता ही रख्वली न बजाओं तो यू नेताओं खण ताली।

होलू बिकास होलू बिकास कब होलू ये राज्यक बिकास.................